Klesmer

Klesmer (aramäisch „kli zemer“ כלי זמר, jiddisch klesmer, eigentli „Gefäß vom Liadl“) is a jiddische Voiksmusitradition, de wos ausm aschkenasischen Judentum kummt. De heit im hochdeitschn vabreitete Schreibweis „Klezmer“ kummt ausm Englischn, wos „z“ fian stimmhofts „s“ stähd, de uaspringliche Schreibweis is Klesmer.

In da Klesmermusi san vü jidische Musitradionen eingaunga. De Klesmermusikantn haßn klesmorim (YIVO: klezmorim) oda klesmerim (YIVO: klezmerim). Des Grundrepertoire vo da Klesmer-Musi bestähd vua oim aus Begleitmusi zu Hozatn, Festn und Feian. Da Begriff klesmer (Plural klesmorim) hod se urspringlich nua auf de Musika bezogn. Eascht mit da Wiedaentdeckung vo dea Musi in de USA in de 1970a Joa, is dea Begriff zua Bezeichnung fia des musikalische Genre wuan. Vuahea is des „jiddische“ Musi gnennt wuan. Unta Klesmer verstähd ma aa efta instrumentale Musi, es is owa aa a Synonym fia jiddische Voiksmusi wuan.